Аурухана туралы

Психоневрологиялық диспансер алғашында 1973 жылы Форт-Шевченко қаласындағы аудандық аурухана жанында орналасқан. 1974 жылы Маңғышлақ облыстық психоневрологиялық диспансерінің құрылуына байланысты облыстық мекеме мәртебесін алып, Ералы ауданының Жетібай кентіне ауыстырылды. 1986 жылы 240 төсек-орынды стационары бар диспансер Шевченко қаласы маңындағы Приозерный поселкесіндегі бұрынғы әскери бөлім ғимаратына көшірілді. 1999 жылдың мамыр айында Ақтау қаласы, 1 шағын ауданындағы Орталық аурухана таратылып, психикалық және мінез-құлқы бұзылыстары бар науқастарды емдеуге бас ғимараты берілді.

Қазіргі таңда тәулік бойы медициналық қызмет ететін қуаттылығы 180 төсек-орынды стационар және ауысымда 50 кезекті адамды қабылдайтын диспансер бөлімдері бар. Облыстық психоневрологиялық диспансері облыстағы тұрғындарға мамандырылған психиатриялық көмек көрсететін облыстағы жалғыз мекеме болып табылады.  Барлық аудан орталықтары мен Жаңаөзен қаласындағы аудандық және қалалық емханалар құрылымнда психиатриялық кабинеттер бар.

2010 жылдың қаңтарынан бастап Облыстық психоневрологиялық диспансер мемлекеттік мекеме мәртебесін өзгертіп, мемлекеттік коммуналдық қазыналық кәсіпорынға ауысты.

Психикалық мінез-құлқы бұзылысы бар науқастар тегін медициналық көмектің кепілдік аясында барлық қажетті дәрілік препараттармен қамтамасыз етілген. Диспансердің бекітілген дәрілік формулярына классикалық нейролептиктерден басқа соңғы жылдары стационардағы науқастарға беріліп жатқан препараттар  (атипті нейролептиктер, антидепрессанттар, құрыспаға қарсы дәрілер) кіреді. Тегін медициналық көмектің кепілдік көлемі аясында амбулаторлық тәртіптегі науқастарды тегін дәрілік заттармен қамтамасыз етудеде заманауи тиімді препараттар қолданылады. Бұлар науқастарға стационарда жатпай-ақ амбулаторлы түрде емделулеріне мүмкіндік береді.

Медициналық көмек көрсету тәртібінің бұзылу фактілері анықтау үшін 06.04.2015 жылы Пациенттерді қолдау және ішкі аудит комиссиясы құрылды. Науқастардан және тұрғындардан түсетін арыз-шағым, ұсыныстарды қабылдайтын «Сенім телефоны 50-02-92» жұмыс жасайды.

12.05.2016 жылы «Қайсар» атты жастар қанаты құрылып, оның басты мақсаты облыстық Денсаулық сақтау басқармасы, Облыстық салауатты өмір салтын қалыптастыру орталығы ұйымдастыратын іс-шараларға белсене қатысу, сондай-ақ мекеме ішіндегі әртүрлі жарыстарды, мерекелерді ұйымдастыру және соған белсене қатысу болып табылады.

Облыстық психоневрологиялық диспансері ұжымы Маңғыстау облыстық денсаулы сақтау басқармасының оснымен қатар, салауатты өмір салтын қалыптастыру орталығы ұйымдастыратын облыстық және қалалық акциялары мен іс-шараларына белсенді түрде және үнемі қатысады.